मेथी आणि मिक्स डाळी चा डोसा (Methi and Lentil Dosa)



Lentil Crepes With Methi Leaves : Read English Version Here

साहित्य:

  • मूग डाळ: १ कप
  • हरभरा डाळ: १/४ कप
  • हिरवा हरभरा डाळ: १/४ कप
  • उड़द डाळ: १/२ कप
  • तुर डाळ: १/४ कप
  • बारीक चिरलेली मेथी: १ कप
  • चवीनुसार हिरवी मिरची, आले, लसूण पेस्ट
  • शेंगदाना चटणी
  • कडीपत्ता: ४-५ पाने
  • बारीक चिरलेली कोथिंबीर
  • हळद
  • चवीनुसार मीठ


कृती:

  1. सगळ्या डाळी धुवून कडीपत्ता घालून ७-८ तास किंवा रात्रभर भिजत ठेवा.
  2. ह्या भीजलेल्या डाळीमधे मीठ, हळद, हिरवी मिरची, आले, लसूण पेस्ट आणि पाणी टाकून चांगले बारीक करून घ्या.
  3. ह्या बारीक केलेल्या मिश्रणात कोथिंबीर आणि मेथी घालून चांगले एकजीव करा.
  4. एक नॉन स्टिक तवा गरम करा. त्यावर थोडे तेल सोडा आणि मग त्यावर १ डाव पीठ टाकून ते चांगले गोल पसरवा. त्यावर थोडी चटणी भूरभुरा आणि बाजूने थोडे तेल सोडा.
  5. हा डोसा जरा लालसर झाला की मग डिश मधे काढा. हा गरमागरम डोसा कोणत्याही चटणी, बटाटा भाजी किंवा सांबार बरोबर मस्त लागतो.

3 comments:

  1. व्वा! एकदम झक्कास आणि पौष्टीकही !!

    ReplyDelete
  2. Kharach mast!
    Gauri

    ReplyDelete