*** English Version: Gajar Halwa ***
साहित्य:
- किसलेले गाजर: २ कप
- दुध: ३ कप
- साखर: १/२ कप (चविनुसार)
- वेलदोडा पुड: १/२ टी स्पून
- तुप: २ टेबल स्पून
- बारिक कापलेले काजु आणि बदाम: २ टेबल स्पून
- बेदाणे : १ टेबल स्पून
कॄती:
- गाजर किसायला घेताना एका जाड बुडाच्या भांड्यामधे दुध गरम करायला ठेवा. आपल्याला हे दुध जितके जास्त आटवता येईल तितके आटवायचे आहे. अधुनमधुन दुध हलवत रहा.
- एका वाटीत दुध घेऊन त्यात काजु, बदाम, बेदाणे भिजायला ठेवा.
- एका जाड बुडाच्या भांड्यामधे तुप गरम करा. ह्या तुपात किसलेले गाजर ४-५ मिनिटे भाजा.
- गाजर थोडे शिजल्यावर त्यात आटवलेले दुध घाला. जोपर्यन्त सगळे दुध आटत नाही तोपर्यन्त हे गाजर शिजवा.
- नंतर त्यात साखर, काजु, बदाम, बेदाणे, वेलदोडा पुड घाला आणि सगळे नीट मि़क्स करा. हा हलवा अजुन ४-५ मिनिटे शिजवा. झाला गाजराचा हलवा तयार.
- हा हलवा तुम्ही गरम अथवा गार खाऊ शकता.
नोट:
- जर तुमच्याकडे खवा असेल तर तुम्ही तो ह्या हलव्या मधे वापरु शकता. खवा वापरला तर दुध थोडेच वापरा. खवा वापरुन हा हलवा लवकर तयार होतो.
No comments:
Post a Comment